సేద తీర్చే సాలభావము
సాయమడగదు తెలుసుకో!
వాడిపోయిన పూలకెన్నడు
తావి నిలువదు తెలుసుకో!!
నేల పొరలను చీల్చకుంటే
విత్తు మొలకలు ఎత్తునా
కాలవాహిని నీదకుంటే
భవిత బతకదు తెలుసుకో!
పరుల కోసం ఎడద తలుపులు
మూసి ఉంచడ మెందుకో
మనిషి మనసున మానవత్వం
అంకురించదు తెలుసుకో!
పాకులాడకు వెర్రి కలలకు
శక్తి మించిన ఆశతో
నిన్ను నువ్వే ఎరగకుంటే
శాంతి నిలువదు తెలుసుకో!
గుండె లోతులు తాకకుంటే
గజలు కాదది తెలుసుకో!
ప్రేమ పంచే శ్రీకు పలుకే
బదులు అడగదు తెలుసుకో!
కామెంట్‌లు లేవు:
కామెంట్‌ను పోస్ట్ చేయండి