మిత్రమా!!

 

గుండెలో తడి కన్నులోనీరారనీయకు మిత్రమా
ఎదిగినా నీ చూపు కిందకి జార మరువకు మిత్రమా!!

వెలుగు కిరణం అంకురించదు చీకటిని తొలగించుకుంటే
మనసుకంటిన మకిలి పొర కడిగేసుకో నువు మిత్రమా!!

కలల కలువలు విచ్చుకోవా స్ఫూర్తి వెన్నెల పరుచుకుంటే
ఒకో మజిలీ దాటుకుంటూ సాగిపో నువు మిత్రమా!!

విత్తనం మొలకెత్తుతుందా భూమి పొరలను చీల్చకుంటే
కాలవాహినినీదకుంటే భవిత బతకదు మిత్రమా!!

"శ్రీ"కలానికి పదునుపోదా గుండె లోతులు తాకకుంటే
మనసు మోడై పోకముందే కరిగిపో నువు మిత్రమా!!
విభాగం:-

2 కామెంట్‌లు:

దీనికి సబ్‌స్క్రయిబ్ చేయి: కామెంట్‌లను పోస్ట్ చేయి (Atom)